Monday, July 4, 2011

බත් පතට වින කටින, ආසනික් ! (නාථ දෙවියන්ගේම පිහිටයි)

ජන සමාජයට ආසනික් භීතිකාව කාන්දු කරවීමට අවශ්‍ය මුල්ම ගිණි පුළිඟුව මුදා හැරියේ කැළණිය විශ්වවිද්‍යාලයේ විද්‍යාපීඨ පීඨාධිපති මහාචාර්ය නලින් ද සිල්වා විසිනි. ඔහු ප‍්‍රකාශ කරන අන්දමට මෙම ආසනික් උවදුර පිළිබඳව ඔවුන්ට පවසා ඇත්තේ නාථ දෙවියන්ය. නාථ දෙවියන් යනු මතු බුදුවන මෛත‍්‍රී බෝධිසත්වයන් බවද ඔහු විසින් ප‍්‍රකාශ කළේය. මෙම දැනුම දෙවියන් විසින් ඔවුන්ට ලබා දෙන්නේ එක් කොන්දේසියක් පිටය. එනම් බුදු දහමේ චිරස්ථිතිය වෙනුවෙන් කැපවීමයි. නලින් ද සිල්වා පවසන අන්දමට දෙවියන් සමඟ සන්නිවේදනයේ යෙදීමට අප වැනි පෘතග්ජනයන් පන්සිල් රකින, භාවනා කරන ධාර්මික සත් පුරුෂයන් විය යුතුය. මේ ආකාරයට දෙවියන් වර්ගවාදී වීම කිසිසේත් අනුමත කළ නොහැකි වුවත්, දෙවියන්ගේත් ප‍්‍රජාතාන්ත‍්‍රික අයිතිය අප පිළිගත යුතුය. 


නලින් ද සිල්වා යනු බටහිර විද්‍යාත්මක දැනුම තු-ට්ටුවකට මායිම් නොකරන, එය හුදෙක් ආඛ්‍යානයක්, කතන්දරයක් පමණක් බව කියන, ‘‘ බටහිර ක‍්‍රිස්තියානි යුදෙව් චින්තනයට’’ එරෙහි වූවෙකි. බටහිර විද්‍යාවට එරෙහි ඔහුගේ දැනුම වර්ධනය වීමට උපකාරී වුයේද, ඔහුම කියන පරිදි තෝමස් කූන්, ෆෙයරබන්ඩ් ආදී බටහිර චින්තකයින්ම ය. විද්‍යාවේ දී නව දැනුම බිහිකරන පර්යේෂණාත්මක හෝ චින්තනමය මොහොත ආඛ්‍යානයකට ගත නොහැකි අතීරණාත්මක මොහොතක් බව නලින්ට වැටහෙන්නේ නැත. එලෙස නව දෙය බිහිවූවාට පසු නලින් පවසන පරිදිම විද්‍යාව නොව, කලාව, දේශපාලනය, ආදරය ආදී අනෙකුත් මනුෂ්‍ය විෂයන්ද ආඛ්‍යානයක්, කතාන්දරයක් බවට පත්වන්නේය. එමෙන්ම පෙරදිග, සිංහල-බෞද්ධ ජන විඥාණය මත පදනම් වූ දැනුමද ආඛ්‍යානයක් වන නිසා, එකක් අනෙකට වඩා ඉහළ හෝ පහළ වන්නේ කෙලෙසකදැයි නලින්ට පිළිතුරක් නැත. ඒ මොහොතේදී ඔහු සිංහල-බෞද්ධ ජාතිවාදයේ පිහිට පතයි. මෙය ආසනික් තරමටම මාරාන්තික දේශපාලන සෙල්ලමක් වන්නේ එබැවිනි. 


රජරට වකුගඩු රෝගයේ හේතුව ලෙස ආසනික් භෞතීස්ම කිරීමේ මෙහෙයුමට නාථ දෙවියන් ඈඳා ගැනීමට, නලින්ට හේතුවක් ඇත. එනම් බටහිර දැනුමට අනුව ඉන්ද්‍රීය ගෝචර ප‍්‍රත්‍යක්ෂය පමණක් විද්‍යාත්මක බව පිළිගැනීමට ලක් වීමයි. නමුත් බෞද්ධ දර්ශනයේදී ඉන්ද්‍රීය ගෝචර ප‍්‍රත්‍යක්ෂයට අමතරව අතීන්ද්‍රීය ප‍්‍රත්‍යක්ෂයද ඥාණ මාර්ගයක් ලෙස පිළිගනී. ඒ අනුව සිත දියුණු කළ මනුසතා සහ දෙවියන් අතර සන්නිවේදනය අතීන්ද්‍රීය ඥාණ මාර්ගයකි. මේ නිසා බටහිර දැනුමට නැති ස්වර්ණමය අවස්ථාවක් දේශීය දැනුමට ඇත. 


ඒ මේ කොයි ආකාර ඥාණ මාර්ගවලින් හෝ දැනුම ලැබෙන්නේ නම් අප විරුද්ධ විය යුතු නැත. එමෙන්ම, මනුෂ්‍ය තාර්කික සිතීමට පිළිගත හැකි ආකාරයට පර්යේෂණ ඇසුරින් දියුණු කළ විද්‍යාත්මක දැනුම, බටහිර හෝ පෙරදිග වූ පමණින් බදා වැළඳ ගැනීමවත්, මුළුමනින් ප‍්‍රතික්ෂේප කිරීමවත් සුදුසු නැත. එය මුග්ධ කමකි. එය තමන්ව ආරක්ෂා කරගැනීමට  ඇඳුම් උනා දැමීම වැනි වැඩකි. මේ සාකච්ජාව නිසා විශාලතම හානිය සිදුවන්නේ කැළණිය විශ්වවිද්‍යාලයේ විද්‍යාපීඨ සිසු සිසුවියන්ට ය. අප විශ්වවිද්‍යාල සිසුන්ට දේශපාලනය කිරීමට ඇති අයිතිය ප‍්‍රතික්ෂේප කරන්නේ නැත. නමුත් මේ අය විශ්වවිද්‍යාලයට එන්නේ සිංහල-බෞද්ධ ජාතිය වර්ගවාදී ලෙස ගොඩනැගීමට බව නොදැන ය. නලින් ද සිල්වාගේ විද්‍යාපීඨ මෙහෙයුම ඒ සඳහා ය. මෙය එම සිසුන්ගේ අධ්‍යාපන අයිතිය පැහැර ගැනීමකි. විශ්වවිද්‍යාල කාර්යභාරය විකෘති කිරීමකි. මේ නිසා ඔවුන්ට නාථ දෙවියන්ගේම පිහිට ලැබිය යුතු තත්වයක් උදාවී ඇත. එම සරසවියේ රසායන විද්‍යා අංශාධිපතිනියත්, උද්භිද විද්‍යා අංශාධිපතිනියත්, මේ මෙහෙයුමේ සම කොටස් කරුවන් වන්නේය. 


අනෙක් අතට ගොවියා මුළු මනින් සූරා කන, මහ පොළොවේ ස්වාභාවික සාරවත් භාවය විනාශ කරන කෘෂි රසායන වල ඒජන්තයින් වන්නේ, වෙළඳ පොළ ඒකාධිකාරී මාෆියාවකට උරුමකම් කියන බහු ජාතික සමාගම් පෙළකි. ඔවුන්ට, කුමන ආකාරයෙන් හෝ අපගේ පක්ෂපාතීත්වයක් නැත. එම වෙළඳ ඒකාධිකාරියෙන් ගැලවීම, ගොවියාත්, මහපොළොවත් සුවපත් කිරීමේ අත්‍යාවශ්‍ය කොන්දේසියක් වන්නේය.


නමුත් නාථ දෙවියන් විසින් කෘෂි රසායන වල ආසනික් ඇති බව පවසා, අනතුරුව විද්‍යාත්මක පර්යේෂණ මඟින් ආසනික් නැති බව ඔප්පු කළහොත්, කෘෂි රසායන මාෆියාවට සුජාත බවක් ලැබෙන්නේ ය. එය බරපතල තත්වයකි. ආසනික් තිබීම හෝ නොතිබීම කෘෂි රසායන වලට එරෙහි වීමටත්, භාවිතයට නොගෙන ප‍්‍රතික්ෂේප කිරීමටත් විශේෂ හේතුවක් වන්නේ නැත. කෘෂි රසායන කොහොමටත් මිනිසා ලෙඩ කරන ව්‍යාධි මූල කාරකයක් බව අප හොඳින්ම දන්නා දෙයකි. කෘෂි රසායන වලින් තොර විකල්ප ගොවිතැන් ක‍්‍රම ප‍්‍රචලිත කිරීමට කටයුතු කිරීම මේ සඳහා ඇති හොඳම විසඳුම වන්නේය. 


ලාංකේය සමාජය, වර්ගවාදී සිතීම මඟින් මේ වන විට ඇද දමා ඇති ව්‍යාකූල තත්වය තවත් ව්‍යාකූල කරමින් සමාජ සිතීම රෝගී කරවීමට නලින්ද සිල්වා ගේ මෙවැනි මෙහෙයුම් වඩාත් හේතු වෙයි. මේ නිසා සමාජයට සිහිය කැඳවන සිතීමක උවමනාව වෙනුවෙන්, කටයුතු කිරීම අවබෝධය සහිත විද්වතුන්ගේ කාර්යභාරය වන්නේ ය. අවාසානාවක මහත. ඔවුන්ටද සොච්චම් පඩියක් දී වැඩකට නැති පිරිසක් බවට පත් කර ඇති තතු යටතේ, සමාජයටද නාථ දෙවියන්ගේම පිහිට පතනවා හැරෙන්නට අන් යමක් ඉතිරි වී නැති සෙයකි. 
                                                                     ගගන මිත‍්‍ර

3 comments:

Anonymous said...

ඔය නලින් ද සිල්වා ගොයියා වගේම මිථ්‍යා පතුරවන එවුන් බ්ලොග් අවකාශෙත් ඉන්නව. මේකත් බලමුකො. http://anonymousaya.blogspot.com/2011/07/blog-post.html ටිකක් නරක බාසාවකින් වුණත් කියල තියෙන කතාව ඇත්ත.

දමිත් රංගන(මිණි කැටය) said...

ගගන මිත‍්‍ර ජයරත්න... මොකල තමන්ගේ සැබෑ මුහුණ හෙලිදරව් වුන නිසාද ජයරත්න, ගගන මිත‍්‍ර වුනේ නැත්නම් තමන්ගේ ලිපිය තමන්ම උස්සගන්නද? ඉස්සුනේ ලිපිය නෙ‍වෙයි වෙන එකක්.. ඔයත් හරියට දීප්ති වගේ එයත් තමන්ගේ නියම නමින් facebook account1ක් පාවිච්චි කරන අතරෙම Sa Nath (මරුවා) කියලා තව එකක් මේන් ටේන් කරනවා.. හරියට ඔය ‍දෙන්නා තාත්තයි පුතයි වගේ..
ජයරත්න - ගගන මිත‍්‍ර
දීප්ති - Sa Nath (මරුවා)
හැබැයි දීප්ති තමන්ට එල්ලවෙන ඔනම කොමෙන්ට් එකක් පලකරන්න ඉඩදෙනවා. ඒ හින්දා ඔයාට බෑ එයාට ලං වෙන්න.. අනික දීප්තිට English පුළුවන්නේ ඒ නිසා එයාට taboosubject වගේ බලල් අත් ඕන වෙන්නේ නෑ.

ජයරත්න... ජූලි 19ය පබ් එකේදි හමුවෙමු. එදාට අපි taboosubject සහ නුඹ අතර සම්බණ්ධය හෙලිකරන්නෙමු.

ප්‍රජාතන්ත්‍රවාදී ජනතා මණ්ඩපය හෙවත් අහස් ගගේ ප්‍රජාතන්ත්‍රවාදය ප්‍රශ්ණ කරන්නෙමු. දතකට මැද ලැහැස්තිවන්න.
ඔබගේ සියළුම පවු ජීවමාන සාඣි සමග ඔබේ පපුව මත කඩන් වැටෙන දවස වැඩි ඈතක නොවෙයි. එදාට නුඹ සෑදූ ගේ මැද නොකපා ඉතිරිකල මැන්ගුස් ගස මෙන් ඔබ ඉතිරිකල පව් ඔබේ පපුව රිදවාවි. ඒවාගේ මුල් මතින් ගල‍ෙගිය උල් දිය මෙන් සත්‍ය නුඹගේ පපුවට තට්ටුකරාවි වහලයට වැටුණ ගෙඩි මෙන් නුඹේ හිස තෝන්තුකරාවි..

නුඹට තව දුරටත් (අහිංසක)යන් ඇන්දවීමට හෝ ඔවුන්ගේ ජීවිත හා සෙල්ලම් කෙරැමට අප ඉඩ නොදෙමු.

(අහිංසක)යින්ගේසිහිණ සමග සෙල්ලම් කර ඔවුන්ගේ ජීවිත විනාශකිරීම කොතරම් පාපයක්දකෙවදාහො නුඹට තේරේවි.. නමත් ඒ වනතෙක් නුඹ අහින්සකයින් කීයක් බිලි ගනීවිද?

Anonymous said...

pradeep jayarathnawa me tharam ussanne ai?eya nikamma porak wenawane.